'Stu ritratto e 'sta piccerella
'a tengo miez' e 'mmane..... comm' 'è bella
dopo tant'anni m'immagino
com'era 'sta guagliuncella....:
'na Signora chien' e bontà!
Uocchje, comm'a ddoje aulive nere,
'a trezza 'e capille argiente,
vucchella rossa me pare 'nu bucciuolo e rosa
'o surriso e 'a semplicità..... mò sò' 'na rarità!.......,
sulo "essa" 'a po' tenè........'na Santa!
Angela!........'n'amico quanno e te me parlaje.......
cu 'a capa 'o dicevo sempe 'e sì....
ma, nun 'o credevo....e nun 'o stevo 'a ssentì,
è stato stu ritratto ca m'ha fatto arragiunà.
'A fede, credevo ca era 'n'articolo 'n cummercio, se puteva truvà addò tabbaccaro,
oppure addò salumiere,
c'aggia dì a dummeneca.int' o mercatino d''e pullice....
'nvece chella 'sta llà.....int' o core d' 'a gente,
e pure int' o core mio...è semplice......
"basta vulè bene 'o prossimo"! Angela tu ca si 'na Santa......
Nun te cerco niente p''e 'mmè.......
So' senza pretese....si proprio 'o bbuò fa......
"Fammi essere cchiù buono"...... mi spiego meglio......
fa ca nun 'o faccio l'indiffernte.......verso chi 'sta suffrenno!.......
aggiu cercato assaie?........|

Massenzio Caravita
Copyright 2000 - 2002 All rights reserved | Web Architet: Davide Di Leo | Il responsabile Salvatore D'Anna
HOME PAGE